പെരുമ്പാവൂര്: ഗൃഹോപകരണ, മൊബൈല് വിപണനരംഗത്തെ മുന്നിരക്കാരായ പിട്ടാപ്പിള്ളില് ഏജന്സീസിന്റെ അത്യാധുനിക ട്രെയിനിംഗ് സെന്റര് പെരുമ്പാവൂരില് പ്രവര്ത്തനമാരംഭിച്ചു.
യുവാക്കള്ക്കു മികച്ച തൊഴിലവസരങ്ങളും കരിയര് വളര്ച്ചയും ലക്ഷ്യമിട്ട് ഒരുക്കിയ ട്രെയിനിംഗ് സെന്ററിന്റെ ഉദ്ഘാടനം നഗരസഭാധ്യക്ഷ കെ.എന്. സംഗീത നിര്വഹിച്ചു.
വാര്ഡ് കൗണ്സിലര് മേഴ്സി ജോണ്സണ്, മര്ച്ചന്റ്സ് അസോസിയേഷന് പ്രസിഡന്റ് ജോസ് നെറ്റിക്കാടന്, പിട്ടാപ്പിള്ളില് ഏജന്സീസ് മാനേജിംഗ് ഡയറക്ടര് പീറ്റര് പോള് പിട്ടാപ്പിള്ളില്, സിഇഒ കിരണ് വര്ഗീസ്, ഡയറക്ടര്മാരായ ഫ്രാന്സിസ് പിട്ടാപ്പിള്ളില്, മരിയ പോള്, അജോ തോമസ് തുടങ്ങിയവര് ചടങ്ങില് പങ്കെടുത്തു. സെന്റ് മേരീസ് കത്തീഡ്രല് പള്ളി വികാരി ഫാ. സണ്ണി കളപ്പുരയ്ക്കല് ആശീര്വാദം നിര്വഹിച്ചു.
പഠിച്ചിറങ്ങുന്ന വിദ്യാര്ഥികള്ക്കും വിദേശത്തുനിന്നടക്കം മടങ്ങിയെത്തുന്ന യുവാക്കള്ക്കും റീട്ടെയില് മേഖലയില് അന്താരാഷ്ട്ര നിലവാരത്തിലുള്ള കരിയര് കെട്ടിപ്പടുക്കാന് ആവശ്യമായ തൊഴില് നൈപുണ്യവും പ്രായോഗിക പരിചയവും നല്കുകയാണ് കേന്ദ്രത്തിന്റെ പ്രധാന ലക്ഷ്യം.
മാനേജീരിയല് ട്രെയിനിംഗ്, സെയില്സ് ആന്ഡ് കസ്റ്റമര് ഇന്ററാക്ഷന്, സോഫ്റ്റ് സ്കില്സ് ട്രെയിനിംഗ് എന്നിവയ്ക്കൊപ്പം ആത്മവിശ്വാസം വര്ധിപ്പിക്കാനുള്ള പ്രത്യേക പരിശീലനവും ഇവിടെ നല്കുന്നുണ്ട്.
ഭാവിയില് സര്വകലാശാലകളുമായി സഹകരിച്ച് റീട്ടെയില് രംഗത്തെ സര്ട്ടിഫൈഡ് കോഴ്സുകള് ആരംഭിക്കാനും പിട്ടാപ്പിള്ളില് ലക്ഷ്യമിടുന്നു. സംസ്ഥാനത്താകെ 86 ഷോറൂമുകളുള്ള പിട്ടാപ്പിള്ളില് ഗ്രൂപ്പ് റീട്ടെയില് മേഖലയില് പുതിയ തൊഴില്സാധ്യതകള് സൃഷ്ടിക്കുന്നതിലും യുവജനങ്ങളെ പ്രാപ്തരാക്കുന്നതിലും കൂടുതല് ശ്രദ്ധ കേന്ദ്രീകരിക്കുമെന്ന് അധികൃതര് അറിയിച്ചു.
കൂടുതല് വിവരങ്ങള്ക്ക്: 70340 88999.
E-paper LOGIN
LOGIN
